'Ode an die Freude' von Manfred Dill v/o ciba

AN DEN HOCHWOHLLÖBLICHEN STAMMLADER DER CORONA ALLSCHWILIENSIS "TORRO"

Mer wüsse jo, es ligt Dir färn,

mer wüsse au, de hesch's nit gärn

dass me vo Dir rede duet

und denn no seit: Du machsch es guet!

Doch jetzte muess es eifach si

wo fascht alli sin derbi,

wenn me Di Person duet lobe

an däm schöne GV-Obe.

Dass der Stamm e so duet blüehe

isch s'Resultat vo Dim Bemühe.

Du lad'sch i und das isch wichtig

vo zwölfne sin au zäh Brief richtig.

Grosszügigkeit isch Dini Tugend

und das, glaub i, scho sit der Jugend.

Näbscht Apero's und Ehrerunde

hesch jewils passend d'Wort au gfunde.

Du schänksch Mässer wo nid roschte

und niemer frogt, was duet das choschte.

Doch hüt isch's eimol umgekehrt

jetz wird'sch du emole g'ehrt.

Mer möchte Dir e Freud hüt mache

für alli vorerwähnte Sache.

Als Annerkennig, längscht vo Nöte

gohsch Du als Dank in d'Zauberflöte

und so klar wie's Chirche-Amen

isch derbi au Dini Carmen.

Zum Schluss no eins, s'isch nid vermässe

Di cha me eifach nid vergässe!